]size=24]يا دارنا من فضل ربي ومده
أنعم لنا بالدين والظل ظله
شبه الجزيرة بين جزره ومده
منبع وحي هدي النبي والأدله
لكن تلاشا الدين بخلال مده
تفكك التوحيد والدمع هله
ساد الجهل والشوف بالدار مده
وصارت بلا مذهب ولا فيه مله
وحول بها اللي طيب الله خده
من رايح الجنه وقبره يبله
عبدالعزيز اللي ورث حكم جده
احرق بها البن اليماني وزله
شيد قصر للدين والجهل هده
وتساقطت فيها النجوم المطله
من بحرها الشرقي ليا بحر جده
لأقصى الشمال وكل حد يحله
لين استقامت وابلج الحق رده
واستسلمت والعقد بالسيف حله
وتوارثو حكمه حرار توده
اخوان نوره كل خاين تذله
عشنا الزمن كله بمزحه وجده
باكنافهم بشهورها والأهله
حنا حماة الدين والجهل ضده
جنودهم والحق معهم ندله
في ظل ابو فيصل عتاد وعده
ارواحنا واملاكنا مستقله
حبل الأمن بوجيه الاعدا نشده
وكف من الارهاب ربي يشله
الدار لآل سعود والسيف حده
يضرب على ارقاب العدا ما يمله
الدار اهلها في ظهور الأشده
عز على الإسلام للشر عله
من يجرح أطراف الوطن ما نعده
منا لو انه من حدينا جزله
ارواحنا وحده بظل الموده
ننعم بحكم الدين والظل ظله
الشاعر/ محمد [/size]معيوف الرشيدي
موضوع: قصيدة وطنية 
الخميس فبراير 17, 2011 9:21 pm
